Chhanna: Kan sawrkar chuan zin lo haw hrim hrim chu engmah harsatna nei lo mah se ni 14 home quarantine-a dah a duh tawh a, a awmzia chu a hrana khung tihna a ni. Covid 19 hi inkai a sam em avang hian fimkhur hle tur a ni a, zin kher lo pawhin inrinhlelhna neih chuan mahniin a tih ve theih reng a ni. Ministry of Health & Family Welfare, Directorate General of Health Services (EMR) Division-in kaihhhruaina a siam dan angin sawi tum ang aw.

A lo haw tirh inchhung a luh hmain mask vuahtir a tha a, inchibai emaw, intawk loa awm tluan parh tur a ni a. Thuamhnaw pawh thlak nghal vek a, amah chu fai taka inbualtir tur a ni.

Home quarantine-a dahhran chu pindan hran, inthiarna hran (attached) a khung hran tur a ni a, inthiarna attached a awm loh pawhin inhman tawm loh hrim hrim tur a ni. Chhungkaw member nen pindan khatah an awm dun a ngai ngei ngei a nih chuan feet 3/4 vel tal an inkarah dah tur a ni a, a awmziaah chuan Covid 19 case nei ina kawl anga enkawl tur a ni tih tarlan a ni. Pindan hi pakhat a ni tur a ni a, duhthusam chuan ni lut tha se, boruak a lut tha tur a ni bawk ang. Kum upa lam tawh nen an inhnaih tur a ni loa, naupai, naupang leh natna nei tawh sa chhungkaw member nen phei chu a hnaih tur a ni lo a ni. Inchhungah a vei tur a ni loa, a tawm tur a ni a, pawn chhuah emaw, puipunnaa kal emaw a tih miah loh tur a ni.

A kut chu a zing thei ang berin a sil tur a ni a, hand sanitizer (alcohol based) a hmang tur a ni. Bungbel eg. khuhhriang, no, tui inna no, chawi eina thleng, towel, mutbu leh thil dang hrim hrim a chhungte nen an intawm tur a ni lo. Surgical mask hi engtik lai pawha hman tur a ni a, darkar 6 danah a thara thlak tur a ni ang a, fimkhur taka paih tur a ni, hman nawn tawh loh tur a ni. Mask hman te chu (ama hman/ enkawltu hman/ etc) bleach solution 5% emaw sodium hypochloride solution (1%) ah chiah tur a ni a, chumi hnuah hal emaw hmun thuk taka phum tur a ni. Mask hman tawh chu natna hrik thehdarh theih anga ngaih tur a ni.

Symptom ( khuh/khawsik/ thawk harsa) a awm chuan 102, 0389-2323336, 0389-2322336, leh 0389--2318336 helpline call tur a ni.

Ni 14 quarantine-a awm laiin chhungte hriat tur a awm a. Chhungkaw member pakhat chauhin a buaipui a tha ber a, khum phah/khuhna te chu thin loh tur a ni a, vun nen insik tir loh tur a ni a, disposable glove bunin pindan chhung tihfai tur a ni a, mutbu khawih lai leh a khuhna khawih lai pawhin chutiang thoa tih tur chu a ni. Glove phelh rual hian kut sil tur a ni, tlawhtu neih awih loh a ni.

Quarantine-a dah hrana chu Covid 19 symptom a nei a nih chuan chhungkaw member zawng zawng chu ni 14 quarantine tur an ni bawk a, amah chu ni 14 dang emaw lab test result-a a negative thleng nghah tur a ni ang.

Sodium hypochloride solution 1% hmangin bungraw khawih deuhho chu silfai/hrukfai tur a ni a, eg. khum tlang, dawhkan, chair etc). Inthiarna hmun chu uluk takin ni tin bleach/phenolic disinfectants te nena tihfai thin tur a ni. Thuahmnaw pawh a hrana suk vek tur a ni bawk, a hrana zar bawk tur a ni.

Home quarantine hi covid 19 vei/rinhlelh nena inhnaih lutuk (contact) vanga tih a nih pawhin laboratory-ah negative mah se ni 14 tho tur a ni.