Zirsangkima hi Mathematics zirtirtu hriat hlawh tak P Siamhranga leh Siamliani te fapa mal neih chhun niin, an unau pali zinga a upa ber a ni a. September 20, 1981 khan Lunglei Civil Hospital-ah a piang a.

Zirna lamah Govt. Ramthar Primary School-I aṭanga bul ṭanin Middle School hi Modern English School-ah a zir a. Govt. Higher & Secondary School aṭangin pawl 8 aṭanga pawl 12 a zir zo. Hrangbana College aṭangin B. Com a zir zo bawk. Hrangbana College-a B.Com a zir zawh rualin Lelte Weekly-a thawk pahin tlai lamah a pa nen Mathematics tuition class an pe dun thin.

Lelte Weekly-a a thawh lai hian Lengzem Publication hnuaia DaiFim kar tin chhuak a pui pah a. Hemi hnu, 2007 khan Vanglaini-ah a thawk zui a ni.Hemi hnu hian Divine Intervention School lamah Mathematics zirtirtuin a thawk zui a, tlai lamah tuition a pe pah reng bawk. A hnuah ni khatah school pakhatah mai thawk loin shift an siamsak angin school 2/3-ah te a kal kual thin.

Kum 2009 khan BS Miller-a fanu Dorothy Lal Muanpuii nen inneiin fa pathum (a upa ber, a pian tűkah a boral hlauh) an nei a.

Thu leh hla lamah a inhmang hma viau a; 1993 khan a drama ziah chu Biak inah an chang a. School a kal lai leh college a kal thlenga zirlai hruaitu ni thin a ni.

Zirtirna hna a thawh pah hian thu ziah a chawl chuang lo a. Lehkhabu pali— 'ramada19' (2013), '2' (2015), '2...but III' (2015) leh 'Reh Ri' (2021) te a ziak tawh a ni.Tunah hian a nu leh pate leh a nupui fanau (2) te nen, Thuampui vengah an khawsa mek a ni.