Mizoram Snooker & Billiards Association (MSBA) buatsaih, Mizoram State 10 Ball Pool Ranking Tournament 2024 chu Ningani zan hian quarter finals khelh a ni dawn ta a. A thiam pariatah hian Mizorama hriat hlawh tak tak an inlan dawn.

Quarterfinals hi zan dar 7:00 leh 8:00-ah inkhel pahnih ve ve a ruala khelh a ni dawn a, race to 7 (frame sarih la hmasa) chaka khelh a ni dawn.

Dar 7:00-ah Table 1-ah Lalchhandama leh Chawngthanzama te an inhmachhawn ang a, Table 3-ah Lalsangzela leh K Lallawmkima te an inhmachhawn ang a. Dar 8:00-ah Table 1-ah R Lalthazuala leh Lalremruata Fanai te inhmachhawnin Table 3-ah Zonuntluanga leh B Lalhruaitluanga te an inhmachhawn ang.

Tun tuma quarterfinal lutte hi an hraw hlawmin Mizorama snooker leh pool-ah chuan hming lo chher tawh tak tak an ni hlawm.

Khatla South tlangval, Sangzela hi January-a Mizoram State 6 Red Snooker Ranking Tournament 2024 leh March-a Mizoram State 9 Ball Pool Championship-a champion kha a ni a. May thlaa Mizoram State 9 Ball Pool Ranking Tournament 2024-ah khan finalist (runners up) a ni bawk.

Zonuntluanga (Tekawka), Electric veng hi Mizoram State 6 Red Snooker Ranking Tournament 2024-ah khan final-ah Sangzela hneh lovin pahnihna a ni a. Mizoram Snooker Ranking Championship 2019 leh Mizoram Snooker Championship 2018-ah a lo champion tawh bawk.

May thlaa Mizoram State 9 Ball Pool Ranking Tournament 2024-ahkhan Lawmkima hi semifinalist niin kum 2022 khan Mizoram State 6 Red Snooker Championship 2021-22-ah a lo champion tawh bawk.

Thazuala pawh hi May thlaa Mizoram State 9 Ball Pool Ranking Tournament 2024-ah khan semi finalist a ni bawk.

Zonuntluanga hi Mizoram Snooker Ranking Championship 2019 khan a lo champion tawh a, Mizoram Snooker Championship 2018 Champion a lo ni tawh bawk a ni.

Mizoram State 10 Ball Pool Ranking Tournament 2024

June 27, 2024 Fixture

7:00 PM:

Table 1 - Lalchhandama vs Chawngthanzama

Table 3 - Lalsangzela vs K Lallawmkima

8:30 PM:

Table 1 - R Lalthazuala vs Lalremruata Fanai

Table 3 - Zonuntluanga vs B Lalhruaitluanga