Khawvel mi hausa kan sawi chhuah chang hian, kan rilruah sumdawnna hmanga hausa puitling thankin tawh te rilruah an rawn lang nghal thin. Naupang zingah pawh hian mi hausa tak tak an lo fur mai. 

List zinga a tam zawk chu thlahtute atanga rosum an chhawm an ni a, thenkhat erawh mahni ngeiin an thawk chhuak ve bawk. List zingah hian tleirawl leh rawlthar hmang ve tan tawh te pawh an awm nawk mai. 

Kumtin mai hian millionaire leh billionaire thahnem tak an awm thar ziah a, chuting zinga mi thenkhat chuan an sum thawh chhuah te chu an fate chan tur a dah hran sak ve thin. List-a kan tarlan tur tam zawk hi chu kum naupang te te an la ni hlawm a, an zingah hian mahni thawh chhuah te, an nu leh pa emaw an pi leh pu te ro an rochun vanga hausa an ni hlawm. 

2022-a khawvel naupang hausa top 10 te chu:

1. Princess Charlotte of Cambridge
Net Worth: $5 billion+

Princess Charlotte of Cambridge chu khawvel naupang hausa ber niin a um neih hlut zawng hi $5 billion zet a tling. A nuta Prince George chu lal nihna rochun tur zawk a ni chungin Princess Charlotte of Cambridge hi khawvel naupang hausa ber a ni. 

Kum 2015 khan a piang a, Prince William, Duke of Cambridge fanu neih chhun a ni. A rawn pian chhuahna chhungkua hi khawvel chhungkaw thil tithei ber zing ami an ni a, Princess Charlotte hi British lal thuthleng chang thei palina a ni. 

2. Prince George Alexander Louis
Net Worth: $3 billion+

Mipa naupang Prince George Alexander Louis a rosum neih hi $3 billion chuang niin naupang hausa pahnihna a ni a, British lal chhungkua-ah rawn piang chhuakin kum 2013 khan Prince William leh Catherine te inkarah a rawn piang a ni.

Prince George of Cambridge hi lal-na chang thei pathumna a ni a, Prince hian a pu Prince Charles-a ro $40 million bawr vel khawm tur a la nei cheu.

3. Blue Ivy Carter
Net Worth: $1 billion

Blue Ivy Carter hi kum 7 mi chauh a la ni chungin billionaire a ni der tawh mai. Hip-hop music industry lama thil tithei tak nupa Jay Z leh Beyoncé te fanu sum neih hlut zawng hi $1 billion niin American naupang zinga hausa ber a ni. 

4. Akshay Ruparelia
Net Worth: $15 million

Akshay Ruparelia hi Indian-Origin British entrepreneur iin kum 19 mi chauh niin Doorsteps.co.uk a din a, UK a estate agency lian ber 14-na a ni phak a, a sum neih hlut zawng hi £12 million vel a ni.

2016 December thla khan Doorsteps.co.uk dinin online hmangin real estate agency sumdawnna a ni a, commission tam tham lo te te lain in a hralh thin a, a in zawrh chu school exam tura a inbuatsaih laiin a hmasa ber atan a hralh a ni. 

5. Valentina Paloma Pinault
Net Worth: $12 million

Valentina Paloma Pinault hi actress Salma Hayek leh billionaire CEO François-Henri Pinault te fanu a ni a, kum 10 mi niin a chhungte ro sum atangin a pualin $12 million a nei ran tawh a ni. 

6. Ryan Guan
Net Worth: $11 million

Ryan Guan hi kum 6 mi lek niin YouTuber a ni a, toy review-na te neiin video hi youtube lamah a dah thin a. A video te hi social media a hman rim tak YouTube-ah a lar hle a, a channel hi khawvel hmun hrang hrang a naupang maktaduai chuangin an en thin a, YouTube channel Ryan Toys hian subscriber maktaduai 17 chuang a nei mek a ni. 

7. Ryan John leh Phoebe Adele Gates
Net Worth: $10 Million

Ryan John leh Phoebe Adele Gates te hi Software tycoon Bill Gates leh Melinda Gates te fa an ni a, Microsoft Corporation hmuchhuaktu an pa Bill Gates hi mi tanpuina pek kawngah a thawhhlawk hle a ni.

Bill leh Melinda te chuan an sum neih atangin an fate pathum hian $10 million theuh a an insem tur thu an sawi. 

8. Dannielynn Birkhead
Net Worth: $10 million

Dannielynn Birkhead hi boral tawh actress leh television personality Anna Nicole Smith fanu a ni a, a nu rosum zawng zawng khawmin hetiang pawisa hi a neih phah a ni. 2013 khan Guess Girl’s Spring line-ah a inlan ve nghe nghe a, he company hian a nu kha model-ah an hmang thin a ni. 

A rawn pian tirh khan mi tam tak ngaihven hat a hlawh a, a nu kha a lo tla dah ve deuh bawk nen milar tak tak Howard K. Stern, Frederic von Anhalt, Alexander Denk leh Larry Birkhead te zingah khan tu ber nge a pa tih an hre thei mai lo va, a hnuah DNA test hmangin Larry Birkhead-a chu a pa tih an finfiah ta a ni.

9. Syed Sumail Hassan
Net worth: $5 million+

Syed Sumail Hassan hi professional Dota 2 player a nih bakah ‘Evil Geniuses’ team member a ni a, Dota 2 championship-ah tum eng emaw zat an champion tawh a ni. A game khelhna ringawt a tang hian prize money $6.5 million chuang a hlawh chhuak tawh. 

Esports championship tum khata $1 million hlawh chhuak thei naupang ber niin record a lo siam tawh bawk. 2016 khan Time Magazine-in “The 30 Most Influential Teen” an thlan zingah a tel phak a ni. 

10. Jackie Evancho
Net Worth: $2.5 million

Jackie Evancho hian New Jersey-a local talent show neihnaah kum 8 mi lek a nihin zaiin a career bul a tan a, a hlawhtling chhunzawm lutuk lo. Mahse, America’s Got Talent, season nga naah khan rawn inlan lehin a rawn lar chhuak tan.

A album hmasa ber 'O Holy Night' chu 2010 khan tlanzarh niin Billboards 200-ah pahnihna a hauh phak a, hemi atang hian hnungtawlh tawh lovin Jackie hian music album 10 zet a siam leh.