Aizawl: Mizoram Police chuan nikum 2022 chhung khan thubuai (case) 4,273 an ziak lut a, hengte hi IPC hnuaiah 3,699 leh local & special law hnuaiah 574 te an ni.

Indian Penal Code (IPC) hnuaia thubuai ziahluh zingah hian rukruk (theft) case chu tam berin case 14,476 ziahluh a ni a, mi rawk (burglary) chuan dawtin case 1,256 ziahluh a ni.

IPC hnuaia case ziah luh lian zingah tualthah case 31, pawngsual case 16, mi hruai bo case pariat te an ni.

Local & special law hnuaiah hian thubuai 574 ziah luh niin heng zingah hian ND&PS Act bawhchhiatna chu tam berin case 247 ziah luh a ni a, zu khapna dan bawhchhiatna chuan dawtin case 118 ziahluh ni bawkin POCSO Act hnuaia thubuai ziah luh 97 ten an dawt a ni.