December 23, 2022; Mizoramah kum 1984 atanga tun December ni 20, 2022 thlengin ruihhlo hmangsuala thi mi 1,735 an awm tawh a, kumin bikah ruihhlo vanga thi mi 42 an awm tawh.

Excise & Narcotics department (END) chhinchhiah danin, kum 1984 atanga tun December ni 20 thlenga ruihhlo vanga thi zingah mi 1,530 te chu mipa niin, midang 205 te chu hmeichhia an ni a, kumin bikah mipa 38 leh hmeichhia 4 an boral leh tawh bawk a, kumdang aiin kumina ruihhlo hmansual vanga thi hi an tlem zawk a ni.

Kumin bik a ruihhlo vanga hi mi 42 zinga 18 te  chu heroin vanga thi an ni a, midang 24 te pawh heroin kaihhnawih vang tho niin, damdawi dang nen a hmanpawlh vang a thi an ni.