Portugal international Diogo Jota chuan AXA Training Centre-ah Liverpool nena an contract neih mek pawh seina thuthlung a ziak. Wolverhampton Wanderers player hlui leh Reds thawh hona thuthlung hian June 2027 thleng a daih ang. 

Kum 2020 nipui bazar lai khan Liverpool hian Jota hi Wolves atangin an lalut a, Liverpool a zawm hnuah Portuguese forward hi a che tha hle a, Reds tan hian competition hrang hrangah game 85 khel tawhin, goal 34 a khung tawh a ni.

Jota hi Jürgen Klopp-a hnuaiah a insiam rem thuai a, a Premier League match hmasa berah Arsenal hmachhawnin Anfield-ah Reds tan a goal hmasa ber a thun. A season hmasa berah hian goal a thun belh nual a, Atalanta BC nen Champions League-a an inhmachhawn tumin hat-trick a siam nghe nghe. Reds tan hian competition hrang hrangah game 85 a khelhah goal 34 a khung tawh a ni.
 
Season liam ta khan Reds forward hian competition hrang hrangah goal 21 a thun a, Liverpool-in Carabao Cup leh Emirates FA Cup an chawi theihna tur leh Premier League leh Champions League-a pahnihna an nih theihna zin kawngah player pawimawh tak a ni.

A contract thar chungchangah Jota chuan,“Liverpool a ka awm zel thei tur hi ka inchhuang takzet a ni. Kum hnih kaltaa he team ka zawm atang khan team tana player pawimawh tak ka niin ka hria a, chu chu ka luh tirh atanga ka thil tum a ni bawk," a ti.