Hripui leng vanga kum 2 zet an chawlh hnuin 20th Edu Fest '22 chu  Zalen chanchinbu leh Lynchpin te chuan 7th-8th June hian Millennium Centre Rooftop ah an nei leh dawn a, India ram hmun hrang hrang atangin University/College 25 rawn tel tura beisei an ni a. Edu Fest hi 11AM - 5 PM inkarah tlawh theih niin a ni ang.
    
"Kum 20-na hmang mek Edu Fest in a tum ber chu zirlaite hmaichhan-ah ngei ‘career option’ awm theih dan free counselling pek a ni a, hemi bakah hian phai college lama zirna dap mek te tan zirna In (University/College) a thawkte ngei, a kar a midang (middleman) tla zep lo a hmaichhana indawr tir hi Edu Fest in a tum ber chu a ni," tiin huaihawttu lam chuan an sawi a.
     
A rawn tel tur zirna In te hi UGC/AICTE accredited vek an ni. Paramedical courses, nursing , pharmacy, engineering civil, petroleum, computer science, agriculture, humanities, allied science, graphic designing, medical, engineering, management, science, commerce leh stream dang dang dawr theih an ni dawn a. College thenkhat hian scholarship an pek theih bakah tlangmi tan tuition fee an titlawm thei bawk.
    
Edu Fest hi  11AM - 5 PM inkarah tlawh theih niin a ni ang.
    
Edu Fest hi hi Mizo zirlaite tam takin an lo chhawr tangkai tawh a, phaia college leh univesity-ah admission te hmuin hna hmuh kawngah an tangkai pui tawh thin a ni.