ZALEN, November 13, 2025: Mizo zinga pool khel thiam rual 24-te inelna, Ather Electric Scooter 9 Ball Pool Championship 2025 khelh mek zelah quarterfinal lut a hriat kim ta a, Ningani khan a hma lut tawh mi parukte zawmin Pool C atangin R Lalmalsawma leh Zonuntluanga te a thiam pariat zingah an tel veleh ta a ni.

Mizoram Snooker & Billiards Association (MSBA) buatsaih inelna hi Millennium Centre Atrium, Aizawlah khelh niin Pool A, B leh D-a miten an khelh zawh hnuah Pool C-a player paruk awmten a thiam pariat zinga tel inchuh in Lunglei atanga tel, Malsawma leh Zonuntluanga, Electric Veng, Aizawl an inhawlh tling.

Thawhtannia inelna tanah hian a tan niah Pool A atangin Lalrina Renthlei leh K Lallawmkima an tlang a. Thawhlehniah Pool D atangin Lalsangela leh R Lalthazuala ten zuiin Nilaini khan Pool B atangin PB Liansangzuala leh Laltanpuia ten quarterfinal an lut tawh bawk.

Quarterfinal hi Zirtawpni chawhma dar 11:00 atangin a hmun ngaiah khelh tan a ni dawn a, a hmuna en theih a nih bakah Aidu Play-ah live-a pek chhuah a ni.

Inrinniah semifinal pahnih khelin final khelh zui a ni ang a. Semifinal leh final inkarah hian exhibition match pathum a awm bawk ang.

Ather Electric Scooter 9 Ball Pool Championship 2025 hi a duh apiang khelh theih a ni lo va, MSBA Hall, Hawla Indoor Stadum-ah a tel pha tur zawnna tournament khelh hmasak phawt niin player tha rual 24 chauhvin an khel phak a ni.

Quarterfinal (November 14, 2025):

QF 1. Lalrina Renthlei vs R Lalthazuala

QF 2. PB Liansangzuala vs Zonuntluanga

QF 3. R Lalmalsawma vs Laltanpuia

QF 4. Lalsangzela vs K Lallawmkima