Aizawl June 8, 2023 : Congress Legislature Party Leader leh Thorang bialtu MLA Zodintluanga Ralte chuan, Zoramthanga kaihhruai MNF sawrkar chu, a chhe lai siam tha tu ni lovin, a tha lai siam chhe tu ah a puh a, a biala hma a lo lak tawhna chhunzawm a ni lo chu pawi a tih thu a sawi. 

A bial fanga zin mek Thorang Bialtu MLA Zodintluanga chuan vawiin khan Marpara YCA hall-ah thu a sawi a, MLA term khat chhungin Thorang bial chhunga Congress sawrkar laia hmalakna leh hmalak zui ngai tam tak an hnutchhiah te chu MNF sawrkar in an ngaih thah a, an enkawl zui loh avangin, hman tlak loh tawl ta leh chei that ngai hmuh tur tam tak a awm, niin a sawi

Thorang bialtu MLA chuan, a bial chhunga MNF sawrkarin, hma an lak ve na te chuan a rilru a tih nat thu sawiin, "Sum siamna atan chauh a Thorang bial chhung hmang duh tu te hi chu kan hnawl nawn fo a ngai a ni. MNF sorkar hian Thorang bial mai nilo, Mizoram hi a hmangaih tak tak loh zia, Zoram mipui te hian kan hmu chiang tawk tawh a ni," a ti.

Zodintluanga chuan ZPM chu baloon lian taka hampuar ang an nih thu sawiin, "Inthlan hma in a keh tan a, an hruaitu lawk ten lamtang MLA candidate tur an in zawn siak mek a, bial tin deuhthaw ah candidate tur pathum pali lai te an sawm fel a, buai chinfel tur an ngah hle a ni," a ti. Congress party chu Mizoram hmasawnna tura hna nasa taka lo thawk tawh thin leh hmasawn na thlen thei tu awmchhun niin a sawi bawk.