Lohawat, Jodhpur district, Rajasthan-a pa pakhat, kum 38 mi chuan a chhungte pali thata an tuizema a thlak hnuah an chhungte inah kalin hetah hian amah pawh tuizemah tho a intihlum ve niin Zirtawpni khan police-in an sawi.

Lohawat Police Station SHO Badri Prasad chuan tualthattua puh intihlum ta hi Peelwa Ki Bishnoi veng, Lohawat-a cheng niin a sawi a, a pa, a nu leh a unaute pahnih a that niin an puh.

SHO Prasad chuan amah hi zu leh opium ngawlvei niin a sawi a. A chhungte a thah chhan leh amah a intihlum nia an sawi hi a ni ngei em tih an chhui zui mek.

“Ningani zan khan an in atanga metre 100 vela hlaa an thlama a pa mu lai chu hreipuiin a a that a. An in a thlen chuan a chhungte chu an lo mu vek a. A nu a thah hnuah a u mipate pahnih, pawna lo mute chu that lehin tuizemah a thlak ta hlawm a ni,” tiin SHO Prasad chuan a sawi.

“Hetianga a tih hnuah hian a fapa naupang, a nu nena in chhunga mu chu pawnah hruaiin a that leh a, tuizemah bawk a thlak leh a. An in bul lawka an chhungte in pan zuiin an tuizemah a zuang lut a, a intihlum ta a ni,” a ti.

 A nupui leh ama unaupate chhungkua, in khata awmho vekte erawh tumah khawih a nei lo niin SHO chuan a sawi bawk.

Zirtawpni tukah an chhungte zinga miin police hnenah a thlen a ni.

Prasad chuan thubuai ziah luh a nih thu leh chhui nghal a nih thu a sawi a. Forensic department team chuan thil thlen dan hi uluk takin an chhui ve mek bawk tih a sawi bawk.