Pianchamphaphak lawmna dangdai tak chu a ni ve reng reng. Pathianni pawh ni se a music video thar tur tihchhuahna a dal chuang hauh lo. Pathianniah Pathian hla music video release pawh chu a sualna a awm bik chuang hauh lo. Hei le, Sawmtea Chhangte happy birthday puala a single thar chu... Vawiin hi Sawmtea Chhangte 'happy birthday' a ni. A pianchampha pual hian music video special tak mai a rawn present dawn che u. Chu a single thar chu 'I Kal Zel Ang U' tih a ni. He hla hi Lallianmawia Pachuau hla phuah leh lo sak lar tawh a ni. Happy Birthday lawmna dangdai A kum zat chiah chu a sawi lo nain, kan zawt lui duh ta bik lo. Mahse, a 'happy birthday' a ni tih chuan kan chiang a. Hemi pual hian a single thar chu tihchhuah a tum ang ngeiin, a ti chhuak leh ta. Sawmtea chuan, "Pathiani damna leh hriselna tha tak min pe a, a tana duhtawka zai thei turin 'aw' tha tak min pek bakah, malsawmna tam takin min vur bawk a. Chuvangin, ka birthday lawmna ni pahfawmin, Pathian hnena lawmthu sawinan'n leh a ram a lo zaih zel theihna'n he video hi ka buatsaih ta a ni," a ti. Lallianmawia Pachuau Nite atangin May ni 18, 2015 zan khan Lallianmawia Pachuau Nite an hman tumin a zai ve a. Hetah hian tuna a single thar tihchhuah hi a sa nghe nghe. A ngaihthla lamin beng an lo dawh fuh deuh te pawh ani mahna, music video-a siam chhoh hial a rilruk chho ta a. A tirah tak chuan he hla hi music video-a chan tir hi a tum ngai miah lo. "Lallianmawia Pachuau Nite kan hman zana ka sa kha, midang hlawkpui tak tak leh ngaihthlak nawn chaka min zawttu an awm ve nawk a, a mak ka ti tak tak! Chuvangin, he video hi siam duhna rilru ka nei chho a, ka puitlin chho ta a ni," tiin Sawmtea chuan 'I Kal Zel Ang U' music video a buaipui chhan a sawi. I Kal Zel Ang U He hla hi Lallianmawia Pachuau khan a damlaiin a lo sa tawh a, a hla phuah a nih nghal bawk avangin hla thar tia sawi theih a ni tawh hauh lo. Hla hlui a nih tawh avangin Sawmtea pawhin hla hlui pho chhuah a duh a, a sa ta fo bawk. 'I Kal Zel Ang U' tih hla hi tunlai kan Zoram boruak nen pawh a inmil phian ang. Infuihtharna hla lam a nih avangin a satu pawh hian a duh vet vet hle. Hla hlui leh thar Heti hian sawiin Sawmtea chuan, "Mizo hla hlui, hla tha leh hlu tak tak te, tunhma lama mite thinlunga thu lo sawi fo tawh te, rual u zawkte'n an lo tuipui tawh hla tha tak tak te hi an tham ral mai ka hlauin ka ui em em a," tia sawiin, "Tunlai thangthar te hriat leh ngaihthlak turin he'ng hla hlui tha tak tak te hi pho chhuah leh ka duh avangin hla hlui lam hi ka sa ta fo a ni," a ti bawk. Hla hlui lam ringawt hi thlur bing a tum lem lo a. Hla thar hla tha em em te pawh sak zel a tum bawk a. Tunah hian a hla thar hlak pakhat buaipui chhoh a tum leh mek bawk a ni.