December 8, 2023; Lalduhoma kaihhruai ZPM sawrkar thara Chief Minister leh Minister te chu vawiin chawhma dar 11 hian lakluh an ni dawn ta.

Khuain a zir chuan lakluh inkhawm hi Raj Bhawan Circuit Lawn ah neih a ni anga, khuain a zir loh chuan Assembly Annexe building Conference Hall ah lakluh a ni ang.

ZPM sorkara cabinet minister tur te hming hi puan a la ni lova, nimin khan Chief Minister tur, ZPM Leader Lalduhoma leh Val Upa Council an inkawm a, cabinet minister tur te hi an tifel nia hriat a ni.

Sawrkar lakluh inkhawm hi Chief Secretary Dr. Renu Sharma chuan kaihruaiin Larsap chuan Lalduhoma chu Chief minister atan rinawmna thu tiam tirin a la lut hmasa ber anga, chumi hnuah council of minister atana ruat te a la lut ve leh ang, sawrkar thar lak luh inkhawmah hian Synod Choir in 'Ro min rel sak ang che' tih hla an rem dawn a ni.

Sawrkar thar lak luh zawhah Chief minister chuan Raj Bhavan ah vek thuthar thehdarhtute a kawm anga, pro-tem speaker tur an thlang bawk ang.