Chelsea chuan pre-season friendly an khelh mekah Udinese chu Dacia Arena-ah hmachhawnin 3-1 in an chak a, an player thar Raheem Sterling-a’n a vawi khat nan goal a thun. 

Inkhelh tan atanga minute 20-na lekah N'Golo Kante chuan mual lai atanga ball khalh pheiin box pawn deuh atanga petin Chelsea tan goal ropui leh hmahruaina goal a thun a, goalkeeper Marco Silvestri tan dan ngaihna a awm lo. 

City star thin Raheem Sterling chuan through ball tha zet um pheiin Blues tana a goal khatna turin minute 37-naah Chelsea goal hnihna a thun ve leh. 

Udinese lamin tlawm mai an tum bik lo. First-half tawp hma minute thum vel lekah Watford forward hlui Gerard Deulofeu chuan  Udinese tan an goal khatna a khung ve. 

Second-half ah Chelsea bawkin inkhelh an thunun a, tih goalna hun tha an nei nual chungin an pet goal belh hleithei lo. Hum tawp dawn minute 90 a nihin Callum Hudson-Odoi chuan Mason Mount tan ball tha tak siam sakin Mount-a’n goal-ah a lo chantir a, goal dang luh belh lovin 3-2 in hun a tawp zui.