ZALEN August 28, 2023 : Sairang bul Rel kawng siam lai Lei (Bridge) chima vanduaina tawkte chungchang ngaihvenin W.Bengal atangin BJP hotu Ziarul Haque, Member Disha Committee, Ministry of Rural Development chuan Aizawl a rawn tlawh a, damlo te an kan bakah ABCI te chu an office-ah an luhchilh bawk a, ruang an thawn danah leh an hmalak danah complaint siam an tum thu an hrilh. 

Rel kawng siam mek a chhiatna thleng ah khan West Bengal mi leh sa 18 lai an thi a, hliam enkawl lai 2 an awm bawk a, Haque leh Mizoram BJP Spokesperson Lalremsangi Fanai te chuan Aizawl Civil Hospital-ah hliamtuarte tlawhin hliamtuar chhungte nen inkawmna an nei a, BJP West Bengal leh Mizoram te chu an mamawhna apianga anmahni pui tura an awm thu  an hrilh a ni.

BJP hruaitu te hian Rel kawng chim a mawhphurtu Contractor ABCI pawh Aizawl-a an office, ISPAT Office ah hmuin Rail kawng lei chima vanduaina rapthlak tak thleng chu Engineering & Technical failed vang a nih ngei an rin thu an hrilh. Nimin khan ruang chhe tawh takin nimin ah mithi te khua Malda, West Bengal a thleng chauh an ti a, Thlawhna a an thawnloh chungchang ah Contractor in an tih tur an tih loh thu leh hnathawktu te himna ti tha tawklo leh thihna hial thlen na a contractor hmalak danah a tul dan ang zela dan anga Contractor laka complaint an siam tur thu an hrilh bawk.

BJP Mizoram leh West Bengal BJP hruaitu te chuan vanduaina thlen avanga chhanchhuahna hna thawktu te, mitthi ruang hlawm chungchangah te, Sairang khawtlang mipui inpekna te, Mizo/NGOs (Civilian) tlawmngaihna hlutak an hmu chu lawmawm an ti a. Chhiat tawh na avanga mi inpe te chungah mi thi chhungte leh hliam tuar chhungte aiawhin BJP Mizoram leh West Bengal BJP te chuan lawmthu an sawi bawk a ni.