Adviser to CM-in engkim thar nghal vek tura beiseitute chu politics ruihchilhtu-ah puh
![](https://zalen.s3.ap-south-1.amazonaws.com/images/news/1721644598_Ginzalala.jpeg)
Aizawl July 22, 2024 : Vawiin khan ZPM General Headquarters Office, Republic Veng-ah chhung inkhawm hun hman a ni a, He huna thusawitu Adviser to Chief Minister Er. Ginzalala, MLA chuan Party mi leh sa te chu an intih thianghlim a ngai a ti a, engkim thar nghal vek tura beiseitute chu politics ruihchilhte niin a sawi.
Adviser to Chief Minister chuan, “ZPM policy laimu chu sustainable development a la ni fan a, mimal hnena pawisa leh therhlo tlemte te in sem hi a sustainable lo a ni. Bung thar kai turin kan inbuatsaih a, party mi leh sate pawh kalphung thar kan au pui ang ngeiin kan intih thianghlim a ngai a ni. Engkim hi vawi leh khatah a thar vek thei lo tih chu a hrechiangtu kan ni a, chutih laiin min beitute chuan engkim thar nghal vek turin an beisei a, hengte hi chu politics ruihchilhte an ni,” a ti.
Er. Ginzalala chuan, “Sawiselna zawng zawng hi kan haw tur a ni lo, min beitute hi chi hnih chi thum lai an ni ve thei a, a then chu kan party tana thahnemngai tak leh ram hmangaihtu tak takte an ni thei a, hengho hian thil dik ti turin min beisei a, min zilh a ni. Thenkhat erawh chu min ertu leh min hawtute an ni thei a, a dawnsawn danah ringtu kan ni tih hrereng ila, Isua zirtirna hrerengin ringtu kan nihna kan lantir zel a pawimawh, in siam thatna hmanruaah kan hman thiam a ngai a ni,” a ti bawk.
Laltea chuan,“ Kan ram politics hi a lo bawlhhlawh hman hle mai a, kuthnathawktuten rim takin thawk mah sela intodelhna leh hmasawnna tak tak an hmu thei si lo va, ram rorel dan a dik lo tih hriain tunah chuan mipuite pawn loh theih lovin pilitics an ngaihven a lo tul ta a ni. Politics Kalphung tharah beiseina thar neiin phur takin hna an thawk a, an beiseina hi kan ti beidawng thiang lo va, chuvangin kan mawhphurhna a sang hle a ni,” a ti.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024