Aizawl June 27, 2024 : Vawiin khan Agriculture Minister PC. Vanlalruata’n Mizoram Agriculture Service Association (MASA) in General Conference vawi 9-na an Tourist Lodge, Chaltlang a an hman chu khuallian niin a hmanpui a. Leilet hmun hlui te thawm that a nih tur thu a sawi.

Minister PC Vanlalruata hian Agriculture Department chu sawrkar in kalpui a tum mek thlai thar leh buh lei a tum chungchanga a kengtu tur Department an nih avangin a thawktute pawh an tan hle a tul thu sawiin, "Buh thar lamah kan intodelh theih nan kan leilet hmun neihsa te pawh thawm that ngai te thawm that a, khawl te nen theihtawpa hma lak a ni dawn," a ti.

MASA member te chu kuthnathawktu te tana hnathawk an nih avangin kuthnathawktute dinhmun chawikan hi an kuta awm a ni tih pawm ṭheuh turin a chah a, kuthnathawktu ten hamthatna nasa zawk thlen thei turin thawhhona leh inpumkhatna ṭha nei turin a fuih bawk a ni.