Aizawl August 7, 2024 : Mizoram sawrkar chuan Aikal lak tih tawp a nih theihna turin hmalakna a kalpui zel a, Aikal la sawrkar hnathawk zingah an awm tih hriain inchinfelna hun a ruahman sak a, Department hrang hrang atangin aikal la an neih dan report pe turin hriattirna a chhuah tawh angin leh a hun ruat a tawp tak avangin ruahmanna sawrkar-in a siam.

Aikal lak tih tawp a nih ngei theihna turin sawrkar chuan hmalak zel a tum a, a ruka Aikal lo la ru reng an awm lohna turin mipuite pawh thawhpuiah sawrkar chuan a sawm.

Aikal chungchanga hmalak zel dan tur hi 05.08.2024 zing 10:30 A.M. ah Commissioner & Secretary, DP&AR Office Chamber-ah sawiho a ni a. Compliance Report thehluh hun tiam chhung chu 03.08.2024 khan zo tawhin, department 41 hnen atangin report hi dawn tawh a ni a. A hnuaia mi ang hian hmalak ni se tia rel a ni :

1. Kumtira DP&AR (ARW)-in Aikal list a khawn khawm a, department-ten list an rawn submit leh tuna compliance report an rawn submit te en dun a, manual checking neih ni se. Department-wise report siam ni se tih a ni a, hemi atan hian chawlh la chhunzawm nghal, voluntary retirement emaw invalid pension emaw dil te leh a dang te chhinchhiah hran ni se.

2. Cross-checking neih zawh hnuah hna la zawm lo (Sorkar thupek zawm lo) an awm a nih chuan dan anga action la turin Administrative Head of Department (Principal Secretary, Commissioner & Secretary, Secretary, etc.) hnenah action la tura hriattir ni se. Action Taken Report hi ni 10 (sawm) chhungin thehlut tura hriattir ni bawk se. Action la lo an awm chuan controlling officer chungah disciplinary proceeding

draw tur a ni ang. Department zawng zawng en zawh hun nghak lo in, en zawh hmasak apiang hi hriattir nghal zel tur an ni.

3. Heti chunga aikal la ruai chhunzawm zel an awm anih chuan controlling officer – Head of Office, Head of Department, etc. te mawhphurhna a ni anga, kal phaltirtu chungah dan angin disciplinary proceeding draw a ni ang.

4. A ruka aikal ruai an awm leh awm loh endik turin Surprise Checking hi office hrang hrangah neih tur a ni a. Aizawl district chhung bik chu DP&AR a hnathawktu ten an endik anga, district dang zawng erawh chu concerned Deputy Commissioner-ten

mawhphurhna an la ang.