September 3, 2023; August ni 31 zing khawvar hma dar 3 vel a Chaltlang Lily Veng, Aizawl atanga R 15 bike pahnih rukbo zinga pakhat chu Karimganj ah hmuh a ni.

ZALEN thudawn danin, Karimganj a bike bo hmuh hi MZ 01 Z 1679 zawk niin, pakhat zawk erawh a chin ngaihven mek zel a la ni. CCTV atanga a lan danin, bike pahnih rubotu te hi an incheina leh an hmel lan dan ah Mizo ngei an nih rin a ni a, heng rukru te hian Karimganj lam an thlen thlakpui emaw, agent neiin an hralh emaw nia rinna te pawh a awm.

Bike bo hi Karimganj police ten an la tawh a, Bawngkawn police te nen inbe pawpin buaipui ngaite buaipui chhoh mek zel a la ni.

Tarlan tawh angin, Bike rukbo te hi hmun khat a dah, MZ 01 Z 1679 leh MZ 01 W 0920 an ni a, ZALEN thudawn danin, R15 V4 leh V3 bike te hi, Chaltlang Lily Veng a RF Zauva In garage leh varanda a dah niin, CCTV a a lan danin, bike te hi zing dar 3 velah mi pahnihin an ru chhuak a, tute nge an nih erawh chiang takin an lang thei lo.

He thil thleng chungchangah hian Bawngkawn police ah FIR thehluh a ni a, police te hian hmun hrang hrangah information pein, bike bo te hi an chin an ngaihven a ni.