Aizawl January 24, 2024 : Aizawl Municipal Corporation huaihawtin a tum hnih nan February 21-24, 2024 hian Aizawl Day Celebration a huaihawt leh dawn a, Aizawl Day kal tur hian mi zawng zawng an sawm a, Aizawl Day-ah hian thil a tlawm thei ang bera zawrh tur a ni a, a duh duh rawn theih turin Metal Health lama mithiam te pawh an thu dawn bawk.

He huna hian naupang tan infiamna chi hrang hrang chhawpchhuah a ni dawn a, naupang ten a thlawn vekin infiamna chi hrang hrang hi an ti thei dawn a ni.

Dawr hrang hrang siam a ni dawn a, dawr hi 60 vel awm tura ruahman a ni a, dawr nghak te pawh dawr luah man tuk an ni dawn lo a, chutihrualin registration fee erawh laksak an ni ang. Stall-a inpho tur te hi an thil zawrh ti tlawm thei thei thlan an ni dawn a ni.

Aizawl Day pual hian Walkathon, Faina Hnatlangpui, Mayors Cup Volleyball Competion te neih a ni dawn. Lammual lamah Exhibition cum Stall te, Main Events-ah Concert, Cosplay leh Carnival hmang ten lawm a ni dawn a ni.