A vawikhatna atan February 25, 2023 hian AMC buatsaihin Aizawl Day a kum 133-na chu A.R Lammual-ah ropui taka lawm a ni dawn a, hemi pual hian Band Contest buatsaih a ni dawn. He Band Contest-a tel turte chuan hla pathum an nei tur a ni a, chu an hla zinga pakhat chu demo (Live Video cover) ah siamin February 11 hma ngeiin an submit tur a ni. 

Band member turte chu AMC area chhunga mi e-roll a awm ngei an ni tur a ni a, kum tling lo an nih chuan an Local Council hriatpuina lehkha an kengtel tur a ni. Demo hi he phone number 9862519779 ah hian WhatsApp emaw Telegram ah emaw submit theih a ni ang.

Lawmman pakhatna cheng nuaikhat, pahnihna singsarih leh pathumna cheng singnga te a ni ang - Band 2 tan consolation prize singkhat ve ve pek an ni bawk ang. He contest-ah hian best - drummer, guitarist, basist, vocalist leh keyboardist te thlan a ni ang.

Tun tum atan rih chuan band lar tawh sa tan chuan tel a rem rih dawn lo a, hechiang duh tan heng phone number - 96150 24210/ 8787864679 ahte hian zawh fiah theih a ni.