ZALEN May 31, 2024 : Aizawl leh Lunglei inkar kawng a la tlang lo a, kawng thenfai hna an thawk mek a, nimin thleng kha chuan hmun 80 aia tam mah-ah leimin hi a awm a, vawiin pawh hian thenfai hna hi thawh chhunzawm zel a ni.

PWD lam ten an sawi dan chuan Aizawl leh Thiak inkarah ringawt hian hmun 80 aia tama leimin then tur awmin, Thiak leh Maubuang ah hmun 10, Maubuang leh Sateek inkarah hmun 30, Aibawk leh Tachhip inkarah hmun 2, Tachhip leh Darnghaki thih kawn inkarah hmun 40 leh Darnghaki thih kawn leh Muallungthu inkarah hmun 3-ah leiminin kawng a hnawh ping a ni.

Melriat, Falkawn leh Muallungthu khaw chhunga lirthei tangkhang ding hi 100 bawr vel an tling. Thenzawl, Serchhip, Lunglei leh a piah lam pan tur mipui mamawh, Gas leh Tuialhthei phur te pawh leimin vang hian an la tangkhang a ni.