Aizawl January 11, 2024: India rampuma Faina Inelna lian ber Swachh Survekshan 2023 lawmman semna chu Bharat Mandapam Plenary Hall, Pragati Maidan, New Delhi ah vawiin khan neih a ni a. He inelnaah hian category hran ve ve ah Aizawl leh Lunglei khawpui te'n lawmman an dawng a ni.

Lunglei Khawpui hian Clean City in the North East Zone Award (Below 1 lakh population) a dawng a. He award hi Lunglei Municipal Council Chief Executive Officer R. Vanlalsawta chuan a dawng a. Aizawl khawpui in Clean City Award a dawng bawk a, He award hi UD&PA Director Dr. Andrew H. Vanlaldika, chuan a dawng a ni.

Swachh Survekshan Award hi Ministry of Housing & Urban Affairs buatsaih a ni a. Third Party Monitoring Team ten an endikna atanga result hi siam thin a ni. He intihsiakna ah hian India khawpui (cities leh urban towns) te endik vek an ni a, Survekshan vawi 8-na 2023 chhunga inelnaah hian India ram chhunga khawpui 4477 an tel a, Mizoram atangin LMC leh UD&PA atanga official thenkhat an tel.