August 18, 2023; Aizawl Sahuan a tanga Ramsa (exotic birds) rukbo chungchang a rinhlelh hnamdang 6 te chu tunhnai khan police ten thu an zawtfiah.

Voice record, video leh whatsapp message hrang hrang information an dawn te police lamin chhuizuiin, August ni 15 khan inhnamhnawih ngei nia rinhlelh mi 6 te chu Aizawl police station ah thu zawhfiah an ni.

Heng mite hi dan ramsa, exotic species hmanga dan lova sumdawnna ah an inhnamhnawih ngei nia rin nimahse, finfiahna tha tawk, dan hnuaia anmahni kawlzui theihna khawp finfiahna a awm theih loh avangin kawlzui an ni lo a, an vai hian state pawnlam mi vek an ni a, pakhat chu Delhi a cheng niin, 5 dangte chu Kolkota a cheng an ni.

Heng mite nihna (identity) hi chhinchhiah niin, wildlife crime control bureau Kolkota ah pawh thawn thlak a ni a, anni pawhin an lo chhuizui mek bawk.

Tarlan tawh angin, July ni 4, 2023, zing lam dar 1-3 inkar vel khan Aizawl sahuan atangin exotic birds chi hrang hrangte rukchhuah a ni.