July 13, 2023; Aizawl Smart City Ltd (ASCL) in leivung paihna hmun siam duhte a pui thei dawn a, a duh tan ziaka thehluh theihna pawh an tlangzarh.

CEO ACSL in Expression of Interest (EOI) a tihchhuah a tarlan a nih danin, Aizawl khawpui chhungah in sa thar ten leivung an paih lo thei lo a, chutih rualin leivung paihna chungchangah harsatna a awm thin.

Hei hi hria in ASCL chuan leivung paihna tur hmun mumal siam turin hma a la a, he scheme hnuaiah hian Aizawl area chhunga mimal ram, leivung paihna tur hmun remchang nei te chu ASCL in leivung paihna hmun a tui luanna mumal siamna 'box culvert' leh a thlang lama leivung luang thla zel tur dal nan 'retaining wall' a siam sak thei dawn a ni.

He ruahmanna vang hian ram neitu ten hmun zawl tha neiin leh leivung paihna sum pawh ASCL nen a man bithliah angin a la lut thei ang.

He scheme hrechiang duh chuan hengah te hian zawhfiah theih a ni.

Contact No.: - Malsawmdawngzuala, JE, - 8014173850

Email ID : smartcityaizawl@gmail.com

Address : Chief Executive Officer, Aizawl Smart City Limited, New Capital Complex (MINECO), Aizawl

Thehluh theih hun chhung : July 21, 2023 (Friday) 4 pm