ZALEN July 26, 2023 : Core Committee Emergency Meeting Disaster Mangement & Rehabilitation Minister Lalchamliana hova meeting neih chuan Vaivakawn Zohnuai leimin avanga NH-54 (Airport Road) chu mipui tan a him nan thupek an chhuak a, Aizawl to Kawnpui inkar kawnga lirthei tlan dan tur an tichhuak.

Vaivakawn Zohnuai leimin avanga NH-54 kawng khar/block a nih avang hian lirthei lian, HMV te chu Kawnpui-Aizawl via Durtlang/Lungdai kal tlanga tlang rih tur a ni a, hei hian ke 10 nei chin a huam a, HMV/MMV te tlan dan tur a duang.

1. Kawnpui lam atanga Aizawl via Durtlang kal tur lirthei lian HMV ke 10 nei leh a aia te chu Zing dar 6:00 atanga chawhnu dar 1:00 thleng an tlan thei ang.

2. Aizawl lam atanga Kawnpui via Durtlang kal tur lirthei lian HMV ke 10 nei leh a aia te chu zan dar 7:00 atanga zing dar 2:00 thleng an tlan thei ang.

3. Lirthei lian HMV ke 12 leh a aia lian te chu Kawnpui atanga Aizawl via Durtlang/Lungdai lamah tlan phal a ni lova, Kawngpui atanga sairang Road lamah chauh kal tur a ni.

4. Kawnpui leh Aizawl inkar kawng via Durtlang/Lungdai hi a zim avang leh lirthei lian te an tlan dawn avangin lirthei leh bungrua engmah Kawnpui (Siarang junction) Lungdai kawng dungah dah phal a ni lo.

5. He thupek hian chhiatrupna thil, kangmei leh emergency kaihhnawih a duty, dan leh thupek pawimawh bika Polic elh Magistrate duty te chetvelna a huam lo ang. 

He thupek avanga harsatna tawk tan Kawnpui OC (Ph. 8974687205) ah biah theih a ni.