ZALEN September 8, 2026 : Special Intensive Rivision (SIR) 2026 Electoral roll nimina tihchhuah atanga a lan danin 36-Tuichawng AC (ST), Lawngtlai district chu elector tamna ber niin 12-Aizawl North-I AC (ST) chu vote pun tamna ber a ni.

Nimina tichhuah tak elctoral roll tharah hian 36-Tuichawng AC, Lawngtlai district-ah hian elector 37,236 an awm a, 35-West Tuipui AC (ST), Lunglei district chu elector tlemna ber a ni ve thung a, he bial-ah hian elector 14,667 an awm a ni.

Elector tamna ber chu 10-Aizawl North-I AC (ST) niin draft roll-a elctor 25,475 awm chu Final roll-ah elector 26,866 an ni a, elector 1,394-a pun belhin draft roll aia a tamna hi 5.47% a ni.

Elector paih tamna ber 35-West Tuipui AC (ST) chu draft roll-ah elctor 16,477 awmin final roll-ah 14,677 an awm a, elector 1,800 in an kiam a. Draft roll atangin 10.9% paih a ni.

12-Aizawl North AC (ST) chu sex ration sanna ber niin mipa 1,00-ah hmeichhia 1,221 an awm a, Lunglei district-a 35-West Tuipui AC (ST) chu sex ratio hniamna ber niin mipa 1,000-ah hmeichhia 848 an awm.