Mi ropui bikte chanchin tarlanna film 'biopic' hi siam a ni fo a, an mahni lemah lemchan thiam tute emaw an chang mai thin. 
English singer Robbie Williams erawhin ngaihdan dang a nei thung a, a biopic siam turah amah ngei a inlan dawn tlat mai!
 
Robbie Williams biopic title tur hi 'Better Man' tih a ni a, Michael Gracey chu director tur a ni. 'Let Me Entertain You' hitmaker hi ama lemah a chang zo vek dawn bik lo - a upat deuh hnu tarlannaah chuan amah a inlan ang a, a naupan lai tarlannaah erawh tunge inlan dawn a la hriat loh thung. 

Kum 48 mi Robbie Williams biopic tihchhuah hun tur hi tarlan a la ni lo a, a changtu tur lam an buaipui chho mek a ni.