Shri Amarnathji Shrine, Jammu & Kashmir-a Zirtawpnia ruah bawhawk sur avanga chhiatna thlengah pawl hrang hrangin chhanchhuah hna an thawh chhunzawm zel.

J&K Police, NDRF, ITBP leh sipai an thawk chhuak a. Ruah hi Zirtawpni tlaia sur niin hmun thianghlim, Shri Amarnathji pawh tui lianin a chim.

Tui hi puk chung leh sir atanga luang a, thi pawh mi 15 an tling tawh a, mipa pasarih leh hmeichhia paruk hriat chian tawh niin pahnih erawh tute nge an ni hriat an la ni lo.
    Mi 65-in hliam tuarin damdawi inah dah hlawm an ni a. Pahalgam leh Baltal a\anga hmun thianghlim panna khar lailawk a ni.