Aizawl: Aizawl Municipal Corporation (AMC) chuan kumthar budget atan Rs. nuai 9887 an pawm.

AMC Board of Councillors hian Zirtawpni khan meeting neiin Mayor PC Lalhmingthanga chuang a kaihruai a. Member hrang hrang ten AMC hmalakna leh budget ruahman chu tha thawkhata an hriat thu an sawi a. Councillors te hian an term chhunga budget an sawiho hnuhnung ber tur a nih thu sawiin Aizawl khawpui enkawlna tura budget siam chu duhthusama tam ni lo mahse hmasawnna tam tak thlen thei a nih ngei an rin thu an sawi. Dy. Mayor Lalringliana leh Mayor PC Lalhmingthanga te chuan Memberte zawhna hrang hrang an chhan hnuah AMC Budget Rs.nuai 9887 chu an pawm a ni.

BOC Meeting-ah hian Mayor PC Lalhmingthanga chuan Covid-19 chungchanga AMC hmalakna leh ruahmanna hrang hrang sawiin Councillor te chu an Ward huam chhunga Task Force te hmalakna lo tawiawm turin a ngen a ni.