Aizawl: Congress thalai chuan mipuiin bawlhhlawh tawih thei leh tawih thei lo an thliarhran laiin AMC chuan hmun khatah an paihkhawm leh tho niin an sawi.

Nimin khan Congress Thalai te hian Tuiriala bawlhhlawh paihna hmun an tlawh a, Aizawl veng hrang hrangah bawlhlawh lakkhawm dan kalphung a inang lo a, thenkhatah tawih thei leh tawih thei lo an thliar laiin a thenah chuan an thliar lo. Mipui an buai phah em em laiin AMC bawlhlawh paihna Tuirial-ah chuan hmun khatah an chhungkhawm leh vek si niin an sawi.

Bawlhlawh paiha thil dik lo tam tak awm hi sawrkar laipuia an lehkha thehluhah chuan dik leh fel ang vekin an lantir a, hei hian hlemhletna nasa takin a ti zual a ni, an ti bawk.