ZALEN Nov. 4, 2024; Aizawl Municipal Corporation (AMC) in Aizawl a restaurant, hotel leh hostel ten dan an zawm leh zawm loh an endik dawn.

Committee on Regulations of Restautant, Hotel & Hostel under AMC in Aizawl press club a thuthar thehdarhtute an kawmna-ah an chairman Rosiamngheta chuan, Aizawl khawpui chhunga restaurant, hotel leh hostel te endikna hun an nei dawn tih a sawi a, chungah chuan tehfung hrang hrang an hmang dawn niin a sawi.

Heng a hnuaia mite hi an endik turte zing a mi a ni :-

1. AMC hnuaiah registration an ti em?

2. Registration a nung (valid) em?

3. License No. dawr neituin langsar takin signboard-ah ziakin emaw tarchhuah tur a ni.

4. Eitur siamtute leh hotel/hostel siamtuten faina leh thianghlimna chungchangah, dan angin hma an la em?

5. Bawlhlawh thliar (waste segregation) an ti em?

6. Heng bakah hian regulations te an zawm that leh that loh enfiah a ni bawk ang.

7. November chawlhkar hnihna atangin surprise visit/checking neih thin a ni ang.

8. inchinfel hun atan November, 2024 chhung hun pek an ni ang a, hemi hnulamah hi chuan dan zawm lo te chungah dan angin action lak a ni ang.