November 14, 2022; Aizawl Municipal Corporation (AMC) chuan hman khat daih plastic (Single USe Plastic) te chu hman leh zawrh khap a ni tih tarlangin, krismas leh kumthar vuak vet a ruai thehna ah hmang lo turin kohhran te an ngen.

Municipal Commissioner, Zothanmawia chuan tunhnai khan kohhran te hnena ngenna tichhuakin, sawrkar laipui Ministry of Environment, Forest & Climate Change thuchhuak angin, July ni 1, 2022 atangin hman khat daih plastic te hman leh zawrh khap a ni tih a tarlang a, hemi bawhzui hian Mizoram sawrkar department hrang hrang leh NGO hrang hrangte nen hmalak ho a nih thu te, Aizawl khawpui chhungah heng dan in a phal loh te hi dap chhuah a man sak leh dan anga chawitir thin an nih thu te a tarlang.

Hman khat daih plastic te khap a nih avang hian kumin 2022 krismas leh kumthar vuak vet a ruai buatsaihna turah pawh heng hman phal loh te hi hmang tawh lo turin kohhran tin te hriattirin a ngen a ni.