K-pop star AleXa chu NBC American Song Contest-ah winner hmasa ber a ni ta. AleXa chuan, "Winner nih ka inbeisei ngam lo a, hlawhtlinna ka chang ta hi ka lawm tak zet a ni. Min duhsaktute avanga he dinhmun hi thleng thei ka ni a, in za vaia chungah lawmthu ka sawi e," tiin, amah duhsaktute avanga hlawhtlinna chang a nih thu a sawi. 
 
AleXa hian winner ni tur hian artist tha tak tak a khum a, chung zingah chuan Grammy winner Michael Bolton pawh a tel. AleXa hian fan vote a hmu tha em em a, hei hian a dinhmun a vawrh hle. Kum 25 mi hi Oklahoma aiawhin a tel a, intihsiak chhung zawngin mipui ngainat a hlawh hle a ni.  

American Song Contest hi Kelly Clarkson leh rap legend Snoop Dogg ten an host a ni a, March atang khan neih tan a ni. Contestant te hi state 50 aiawh atangin an fuan khawm a, nimin khan zawh fel a ni ta a ni.