Aizawl; All Mizoram Farmers Union (AMFU) chuan grape chingtute harsatna chu a rang thei ang bera sutkiansak turin sawrkar an ngen.

Mizorama kuthnathawk inzawmkhawm pawl All Mizoram Farmers Union chuan Zirtawpni kalta khan kum 2022-2026 atana Executive Meeting hmasa ber AMFU General Headquarters Office ah an nei a, Mizorama grape chingtuten harsatna an tawh mek chungchang ngaihtuahin Champhai Winery-a Fermentation Tank 25 lai chu hralh chhuah theih loha a awm mek laiin Grape rah lawh a hun leh tawh dawn a, he an harsatna tawh mek hi sutkian sak vak turin sawrkar chu an ngen nawn a ni.

AMFU chuan sawrkarin lo neitute thleng phak SEDP a kalpui chu tha an tiin, an member ten taima leh rinawm tak, dik taka lo dawngsawng a, dinchhuahpui nana hmang ngei turin an chah a. Mizorama loneituten an tharchhuah eng pawh dinchhuah pui nana an hman ve theih nan, an harsatnate sukiang turin sawrkarah thlen sak zel an rel a. Mizorama thar chhuah thlaite a awm hun lai chuan state pawn atanga lalut lo turin sawrkar ngen bawk.