July 7, 2022; Mizoram sawrkar hnathawk damloten AMRI hospital, Kolkata a a ba a an inenkawl theihna (credit facility) chu kar kalta atang khan tihtawp a ni a, hei hi damlo inenkawlna bill, hospital account ah direct a lut lo a, damlote account a a luh hmasak thin vang nia thudawn a ni. 

ZALEN thudawn danin, AMRI hospital, Kolkata in credit facility an tihtawp chungchang hi kar kalta lam khan Kolkata Mizoram house a, Mizoram sawrkar aiawhte an hriattir tawh a, hetiang a credit facility an tihtawp chhan hi, treasury atanga sum inpek dan system 'Integrated Financial Management Information System' (IFMIS)- ah, damdawiin a inenkawlna bill (senso) chu direct a hospital account ah lutlo a, damlote account a a luh thin vang a ni tih AMRI hospital hotute chuan an sawi.

Hetianga hospital account a direct a pawisa lutlo hi hospital lam tan buaithlakna a tam hle tih AMRI hospital hotute chuan an sawi nia thudawn niin, tuna sum inpek dan phung chu tlin (afford) an inti tawh lo a, an hospital a direct a pawisa lutlo chu an tan chhutzui a buaithlak thu te an sawi nia thudawn a ni bawk.

ZALEN thudawn danin, a hmalam ah chuan AMRI a credit facility a inenkawl damlote bill chu, an thawhna department in an chinfel hnuah, direct in hospital account-ah a lut thin a, tun dinhmun a treasury kaltlang a pawisa inpek dan system ah erawh, damlote account ah pawisa a lut hmasa a, chu chu damdawiin lamin harsatna an tawh nachhan nia ngaih a ni.

Hemi chungchang a ZALEN in treasury officer a biak chuan, damlo inenkawlna bill treasury atanga inpek dan chungchang chu chinfel harsa a nih a rin loh thu leh direct a hospital lam account a pawisa thun chu thil harsa a nih a rin loh thu a sawi,