Superstar trio Lionel Messi, Kylian Mbappe leh Neymar Junior te chu PSG boss tharin an thil ei laia mobile phone hman a khap hmiah. 

He dan khauh tak hi Paris Saint-Germain boss thar Christophe Galtier-a siam a niin a dan thar siamah chuan breakfast leh chaw chhun ei laia phone khawih a phal lo a ni. A player te chu mahnia interek hran a phal lo hauh lo bawk a, PSG training centre-ah an squad zingah an ei-in an in ve ngei ngei tur a ni. 

Galtier-a’n hetiang dan a siam chhan chu a squad-te zingah environment tha tak siam a duh vang a ni. A team te hi a belhchian hnuah interek hrang pawl an awm thin tih a hria a, chuvangin mahni duh dan dana nun a phal tawh dawn lo a ni. Tin, a player te chu an  training-na hmunah zing 8:30 atanga 8:45 chhunga thleng hman ngei ngei turin a hrilh bawk. Minute khata tlai pawh training zawm a phal sak dawn lo va, in lama haw leh zawk turin a ti thindawn a ni. 

Hetiang deuh chiah hian Manchester United coach thar Erik ten Hag pawhin a naute tan dan khauh tak a siam thar a, dan khauh tak hnuaia a enkawl vang hian United chuan hmasawnna thar duhawm tak neiin an pre-season khelh mekah game thum khelh tawhin an la chak vek thei a ni. Ten Hag hian ngaihdamna awm lo dan thar siamin ei leh in tih laia mobile phone hman leh zu in vanga booze taka awm a phal lo bur bawk. 

A player te chu mahnia chef neih hran aiin an club-in ei leh in a siam te chu ei zawk turin a duh thu a sawi bawk. 

United inenkawlna dan thar ang deuh hian PSG pawhin an kalpui a, pre-season lamah pawh an chetha hle a, Quevilly Rouen Metropole leh Kawasaki Frontale an hneh thei a ni. Galtier hian Lille a enkawl lai 2020/21 season khan Ligue 1 champion PSG hi chik takin a lo zir tawh tih a chiang. An coach-in league-a 9-na a nih pui hram laiin Nice a enkawl a, top four-ah a lan pui phak a, champions League erawh an khelh phak ta bik chuang lo.  

French pachal hian 4-4-2 formation a hmang thiam ber a, mahse Parisian squad talent nei tha tak tak te hi engtin nge a khelh tir dawn a la hriat  chiah lo va, kum 55 mi tactician hian Ligue 1 title la thei tur leh Champions League trophy beisei turin thluak a hmang thiam turah beisei ang.