Piang nafam chu an thang thîn—vawk tiam vek pawn! Keini mihringte hlei hlei hi a ni thang nasa ni. Kan taksa mai ni loin kan rilru thleng thlengin a thang a nih hi. Chutah, kan thiamna khâwl thil pawh a thang zêl a. Chû thiamna thang zêl chuan ‘social media’ kan tih hi a hring ta a; chu chuan nasa takin min nghawng a. Kan smart phone avâng hian kan smart ta lo fo mai. Mahse, ka sawi tum chu ka hman tangkai vena kawng khat mai a ni.
Hman nî lawk khan Higher Secondary School-a ka zirlaipuite WhatsApp group-ah min rawn dah/tel (add) ve a. (‘P.U. hman lo chiah chiah kha ka ni a,’ ka tih chuan ka kum zah in hisâp thei dâwn sî a; a kum sawi lo mai ang. Tin, WhatsApp group ka’n ti ve ngawt a; phone ka nei hlei nêm; ka nupui phone alâwm ka tâwm—chu chu alâwm an rawn ‘add’-a an lâwm ni!) An display picture (dp) te ka’n thlîr vêl a; lung an va han tilêng hlawm tak êm âw …! Anni pawn, min ‘add’ hnû a, an class captain hlui min han hmu thut kha, an lung chu a lêng ve ngeiin ka ring a ni.
Nupui fanau an lo nei fer fur tawh hlawm a (a chhia a tha zawng zawng nên). Mahse, kan inpawh thei tawh si lo! Lung a zíng!
’Tian ka’n awm a, ka’n chhui kîr a—kan hun hman dânte kha … Anni pawn an dáwn ve ngei ang a, kan ‘khatih hunlai’ kha, ngaiin an lung a lêng ve ngei hian ka ring tlat a ni.
Kan tlâng ram hrim hrim pawh hian … mi lungléng mî chu min hnèm nghal dèr a. He hla phuah phuahtu pawn chun chu a hai lo kher e— tih chu a hlãah a hril chiang e.
‘An Lunlêng Ve Ngei Ang’ hla phuahtu Pu Ramzauva hi ka bia a; dân inang lo awm chungchângah a a nia. Mi thenkhatin, ‘Ka hming an hriat chhuah chângin’ tih leh, ‘’Min jam hriat chhuah chângin,’ tih të mai hi a ni. An chuan, ‘A dik ve e,’ tiin min chháng mai a—ka haw roh hle!
Eng pawh ni se, he hlâ hi chu Mizo hla thûlkhungah a puang ve ngawt a. Ka dah sâng a; theiin nei ila chuan chawimawina nopui ka dawmtîr ngei ang. Mizo thû leh hlâ-a min tihausatu — he hlâ kher kher hi chu—khítah ka dah! Vul zêl teh se!

An lung a lêng ve ngei ang
R. Vanrammawia
Awmkhaw har changin ka dáwn vêl thin a,
He hringnun pár ang vul lai ni te;
Mual min liamsan thîn,
Kan hlim níte,
Hmãn lai an chang zo, nghilh a har ngei.

Lenrual duhte nên hlimtein,
Zai tin kan vàwr lai kha;
Ka ngai thin e, thiante kha,
Kan lènna a dang zo ta si;
Ka hming an hriat chhuah changin,
Kan nun dàn thin an dáwn kîr ve ang a,
An lung a léng ve ngei ang.