Aizawl January 29, 2024 : Vawiin khan Mizo Hnam Run chhung inkhawm neih a ni a. Lalchhandama Ralte, MLA chuan thu sawiin, "Sawrkar hmasa hmalakna anih vang ringawtin kan sawrkar thar hian thil tha hnawl ngawt lo se. Thil tha an tihah kan lawm a, kan thlawp zel ang. Tha zawk tura mipuiin an ngaihten kan phur an rawn phur ve dawn ta a. Enge anih kan hre thuai dawn. An nihna diktak hi kan hre thuai dawn a ni," a ti.

Education Minister hlui chuan, SEDP hnathawktute sawrkarin a chhawr zui zel hi a lawmawm a. Chutih rualin, an kal zel dan tur leh engtin nge hma an lak zui dawn tih hi ka zawt a ni. Chhungkaw sangtel te hlauthawng leh mangangin an awm mek a, an hmalam hun ngaihtuahin an indawmkun mek a ni. Hengho chungah hian kan sawrkar hian ngilneihna lantir hram rawh se. Sawrkar thar pian hnua health clinic tawp ta mai leh education department bika hmalakna pawimawhte hi chhunzawm ni hram se a duh thu a sawi.

Leader of opposition chuan, "MNF sawrkarah kum hnih Covid vangin kut phuar kan ni a. Hnathawh tak takna hun kan nei tlem tih mi pangngai chin chuan an hria. Kan sum puk sawisel nasa tu te khan ni 50 pawh a liam hmain cheng vbc.80 an puk leh nghal mai a. Sum enkawl thiamloa min puh tute hnuaiah ni 15 lai treasury a kal thei ta lo. Bureaucrats leh intellectual-te an mangang ru hle a ni. Tha bik leh fel bik nia inzuar ten ni 50 erhawrh min hruai hnu hian kuthnathawk tute pawh an mangang ta hle a ni," a ti.