August 19, 2023; Mizoram sawrkar hnathawkte'n ni hnih chhung badge dum bel a, sawrkar an kar hnuah, August ni 21, Thawhtanni hian an thil phutte Chief minister hoin an sawiho dawn.

Mizoram sorkar hnuaia thawk pawl hrang hrang intelkhawmna, Federation of Mizoram Government Employee & Workers (FMGEW) hruaitute hnen atanga thudawn danin, sawrkar notification anga Dearness Allowance (DA) pung an phut chungchangah hian, Thawhtanni chawhma dar 10 ah CM hovin sawihona an nei thei dawn a ni.

Tarlan tawh angin, sawrkar hnathawkte chuan August ni 17 leh 18 khan DA tihpun ngiatin badge dum an lo bel tawh a, CM nen an inbiakna ah hian thu lawmawm an dawng lo a nih chuan ruahmanna an lo neih sa tawh angin, August ni 22, 2023-ah FMGEW General Council Meeting-ah an kal zel dan tur an ngaihtuah ang.