Aizawl; Mizoram Excise & Narcotics Deptt. hnuaia Anti-Narcotics Squad te chuan nimin zing khan Bawngkawn-ah Heroin gram 13 leh he ruihhlo neitua puh Zoremsangi (26) d/o Lalawia (L), Bawngkawn, Aizawl leh Isaac Malsawmtluanga (25) s/o Tlanthanga, Bawngkawn, Aizawl inti an man. Heroin te hi plastic bur 2-ah dah a ni a, Aizawl-a 'addict' te hnena hralh an tum mek lai niin an sawi. Excise & Narcotics Deptt. chuan heng ruihhlo neitua puh mi pahnih - Zoremsangi leh Isaac Malsawm- tluanga te hi Section 21(b) of The Narcotics Drugs & Psychotropic Substances Act (NDPS Act) hnuaiah thubuai an siamsak nghal a ni.