Aizawl; Zirtawp tlai khan Chief Minister Lal Thanhawla chuan Mizoram Cooperative Apex Bank Ltd.-in RuPay Debit Card, ATM, a screen Mizo tawnga chhiar theih leh Website bakah Internet & Mobile Banking a siam thar chu Hotel Regency ah a hawng. Chief Minister chuan Apex Bank chu Mizo mipuite Bank a nih ang takin sawrkar pawhin a duhsak zel tur thu a sawi.A hawnna hunah hian Home Minister R.Lalzirliana, Finance Minister Lalsawta, Cooperation Minister Lalrinmawia Ralte bakah sawrkar mi pawimawh dangte an tel a ni. Apex Bank hian Branch 12 neiin staff 166 an awm mek a, Mizoram-a Bank te zingah Credit-Deposit Ratio 67.80 % (31.3.2014) niin mipuite hnena loan pe chhuak tam ber niin Biak In 2,000 chuang sakna turin loan a pe chhuak tawh a ni.