Aizawl : 37th Assam Rifle leh Assam police tangkawp chuan Zirtawpni zan khan Cachar district huam chhung, Hmarkhaw-lien-ah HPC (P) President Lalhmingthanga Sanate (53) s/o VL Ramliana, Hmarkhaw-lien chu an man.
Assam Rifles thuchhuahin a tarlan dan chuan HPC (D) atanga inla hrang HPC-D (President)/ HPC-D (P) te hi Assam chhungah an che ber a, man tuma an zawnnaah Lakhimpur police station huam chhung Ciripool-ah an man a, thubuai siamsak nghal a ni bawk.
Lalhmingthanga Sanate hnen atanga 0.32 silai leh a mu 2 hmuhchhuah a nih thu an tarlang tel bawk a. Tin, Lalhmingthanga inpuanna atang khan amah hi HPC (P) dintu leh President nilai a nih bakah March 2019-a thah, Jubilee Hmar of Hmarkhawlien thihnaah hian inhnamhnawihna thuk tak nei nia hriat a nih thu Assam Rifle thuchhuah hian a tarlang bawk.