Aizawl: MNF General Secretary Lalruatkima chuan Assam Rifles rama in hmun neite chu cancell turin hma an la mek niin a sawi.
Nimin khan Aizawl Press Club-ah chanchinbumite kawmin MNF General Secretary chuan Assam Rifles te insawnna tur Zokhawsang hmun chu tui, êng, kawng bakah a ram chhinchhiah hna chu sawrkarin a thawk mek tih a sawi a. “AR rama inhmun nei te hi cancel vek turin Cabinet chuan a rel a, helai rama inhmun neite chu Central YMA ten an pass surrender tura an ngen angin mi eng emaw zatin an pass te department-ah an thehlut tawh a ni,” a ti. Mipui hnena chini sem chungchangah Lalruatkima chuan, “A bul tan nan AAY chhungkuate hnenah ration chini hi thla thar atangin sem tan kan tum a, a tul ang zelin zau zawka la sem zel kan tum a ni,” a ti bawk.
&&&&&