AR rama LSC cancel tura hmalak rel
Aizawl: Chief Minister Zoramthanga hova Council of Minister Zirtawpnia thukhawm chuan Assam Rifles rama mimal thenkhat LSC lo pek tawh te chu dan anga cancel tura rang taka hma lak nise an ti.
Chief Minister Zoramthanga hova Council of Ministers thukhawm chuan sawrkar department hrang hrang atanga thu lut pawimawhte ngaihtuahin agenda 19 bakah additional agenda department hrang hrang 4 atanga lut chu an ngaihtuah a ni.
Cabinet Meeting thurel zingah Sinlung Hills Council an inthlan thuai theih nan Delimitation of the Area of Sinlung Hills Council and its Constituencies tih rawtna General Administration Department atanga lut chu pawm a ni a. Mizoram khua leh veng hrang hranga chhungkaw tin member zat leh an nihna chhinchhiahna tur Draft Mizoram Maintenance of Household Registers Bill 2019, GAD atanga lut vek chu Assembly a pharh tura pawm a ni bawk. Hei hi Supreme Court in order a pass anga hmalakna niin, a tum ber chu India khua leh tui nilo ten khua leh tui dik tak chauhvin hamthatna leh chanvo an dawn tur an dawn ve loh nan leh mipui himna atana duan a ni. Mizoram Liqour (Prohibition) Bill, 2019 pawh pawm in Assembly Session-ah pharh tura tih a ni.
Meeting chuan Lok Ayuka Chairman leh Member te Terms and Conditions of Service chu a pawm bawk a. The Aizawl Municipal Council Building (Amendment) Regulations, 2019 leh The Mizoram Real Estate (Regulation & Development) Rules, 2019 te pass a ni bawk.
Handloom leh Handicraft chu Mizo hnam ziarang phochhuaktu pawimawh tak a nih avangin Mizoram sawrkarin chawisang tura hma a lak meknaah ZOHANDO khar tura order a lo siam tawh chu kutthemthiamte leh Handloom lama eizawng ten an samkhai phah theihnan ZOHANDCO chu facilitator atana rawtna lut chu Cabinet in a pawm bawk a ni.
Mizoram Vehicle Taxation (Amendment) Bill, 2019 pass a ni bawk a. Hemi hnuaiah hian tuna Vehicle Lifetime tax hman mek chu consumer ten an duh chuan instalment thum kum khatna, kum rukna leh kum sawmpakhatna a pek theih turin ruahmanna siam a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024