Aizawl: Armed Veng Branch YMA chuan nimin khan an kum 50 tlin, Golden Jubilee kharna inkhawm an veng community centre-ah an nei.

Jubilee kharna inkhawm hmanpuitu Power Minister R.Lalzirliana chuan Mizo thlalai zingah hnathawh tum lo, kum upa zawkte chawmhlawm an tam thu sawiin, “Thalaite an thatchhiat avang hian kan ramin tunah tuar hrih lo mah se, kum 10-20 ah chuan kan ram hi a tlabal hle ang tih a rinawm a, mi dangin min chimral hi a hlauhawm loh. Thatchhiatna hmangin hnam dang kan inchimraltir ang tih a hlauhawm,” tiin a sawi a, thalaite chu chawmhlawm nih zak turin a chah.

Bialtu MLA leh minister ni bawk, Robert Romawia Royte chuan Armed Veng Branch YMA chuan thil ropui tak tak a tih tawh thu sawiin, “Ram pum huapa branch YMA ropui berte zinga mi in ni. Hruaitu hluite hnu chhui kirin, intihchakna atan hmang ila, chu chu jubilee hlawhtlinna tur pawh a ni ang,” a ti.

Armed Veng Branch YMA hi Chhinga Veng atanga indangin August 3, 1969 khan din a ni a, tunah hian member 1760 an awm mek.