Indian Army-ah hmeichhia 7,000 chuang awm mekin Indian Air Force-ah 1,636 leh Navy-ah 748-ah an awm mek bawk.

Lok Sabha rorel inkhawm mekah zawhna chhangin Union Defenbce Minister of State Ajay Bhatt chuan Army-ah hian sipai 7,093 an awm tih a sawi a, heng zinga 6,993 chu Army Medical Corps, Army Dental Corps leh Military Nursing Service (MNS)-a mi niin rank dangah a bak an awm tih a sawi.

Bhatt chuan IAF-ah hian hmeichhiate chu officer cadre an nihlawm a, March 1 thleng khan medical leh dental branch tel lovin 1,636 an awm tih a sawi.

IAF-ah hian hmeichhe officer-te chuan chanpual pawimawh tak tak tak an chelh niin a sawi a, heng zingah hian commanding officer leh combat unit-a hotute an tel.

“Vawiin thleng hian Navy-ah hian officer rank an awm nual a. March 9 thleng khan medical leh dental officer telin 748 an awm a ni,” tiin Bhatt chuan a sawi a. Sipaiah chu inthliarna a awm lo tih a sawi bawk.