May 14, 2024; Kolasib District, Vairengte-a Counter Insurgency and Jungle Warfare (CIJW) School-ah a vawi khat nan Indian Army hmeichhe officer paruk an training.

CIJW hotute sawi danin Indian Army-a hmeichhe officer parukte hian Low Intensity Conflict Operations (LICO) course-ah training an nei mek a, thla hmasa April ni 30 khan training bul an tan niin an sawi.

CIJW Vairengtea hotute sawi danin Sipai nunchan an zir hi thil pawimawh tak leh tangkai tak niin training an neih chhung hian thiamna hrang hrang an zirchhuak dawn a, suahsualna hrang hrang sipaiin an do letna kawngah leh buaina hmeh mih dan kimchang takin an zir dawn.

Low Intensity Conflict Operations (LICO) hi kuminah ramdang atangin training hrang hrang neih a lo ni tawh a. India thian tha Bangladesh, Bhutan, France, Malaysia, Nepal leh Sri Lanka ten he hmunah hian sipai nunchan an lo zir tawh a. Training-ah hian taksa hriselna leh insawizawina - silai kah, firfiakte hmachhawn dan, ral rel dan leh hmun harsaa dam khawchhuah dan te an zir dawn ang.

Vairengtea CIJW School hi khawvela sipai nunchan zirna hmun tha ber pawla ngaih niin India ram hmun dangah sipai training school eng emaw zat awm mah se, Mizorama CIJW School ah hian khawvel ram dangten helna leh firfiakte do dan an rawn zir thin a ni.