DOWNLOAD OUR APP

Read latest news on your phone
app-store
ASF luhna finfiah thei lo
Nov 28, 2021

Aizawl: Vawk natna chi khat African Swine Fever vangin Zirtawpni tlai thleng khan Mizoramah vawk 29796 an thi tawh a, Mizorama ASF luhna erawh finfiah a har niin AH&Vety department hotute chuan an sawi.

ZALEN zawhna chhangin AH & Vety department hotute chuan ASF luhna chu finfiah a harsa nia sawiin, "Kan thenawm state Maghalaya, Assam, Manipur leh Nagaland ah te ASF hi hmuh a ni a. Hetih lai hian ASF vanga vawk thi an awmna hmasa Lungsen chu Bangla-desh atanga kai a ni em tih finfiah a har a. He hri hi sanghal ah hmuh anih bawk avangin a luhna tak hi hriat a har a ni," an ti a. "Hetih lai hian Aizawla he hri hmuhna hmasa Edenthar leh Armed veng te erawh Shillong vawksa rep lakluh atanga kai an nih a rinawm a ni," an ti bawk.

AH & Vety thawktute chuan February 2022 ah chuan ASF lakah Mizoram chu a fihlim theih tawh an beisei tih sawiin, "Vawk thi te kan phum hmak hmak avang leh vawk in kan tih thianghlim zel avangin reh chho ve zel turah kan ngai a. Mahse he hri erawh hi chuan min chamchilh reng tawh dawn a, tun ang em em hi chuan kan buai tawh lo turah kan ngai a ni," an ti bawk.

Vety thawktute chuan Khuangleng vela ran natna food and mouth disease leng nia sawi chungchangah ran thisen an lak te chu a negative avangin ran thisen hi la nawn lehin Guwahati ah enfiah tura thawn nawn leh an tum niin an sawi bawk.  

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh