Assembly hnalak: Zirlai pawlte punkhawm leh tum, bandh leh rally cho
Tualchhung
Jul 07, 2023
ad
ad
July 7, 2023: Vawiin khan MZP leh MSU huaihawtin Mizo thalaite leh zirlaite chu Mizoram Assembly Secretariat hna lak dan duh loh avanga hna lak cancel ngiatin lungawi lohna lantira Assembly House tual-ah punkhawm hnuin he lungawi lohna hi kar leh July 10, 2023 Thawhtanni zing dar 8:30 hian chhunzawm leh an tum a, cancel a nih hma chuan total bandh thleng huaihawt an tum thu an sawi bawk.
 
MZP leh MSU thuchhuah intawmin a tarlan dan chuan, "Lungawi lohna lantir lai hian Mizoram Assembly Secretariat Commissioner & Secretary leh official dangte chu zirlai pawl ngenna zah lovin a rukin pisa an kai lui tih hriat a ni a, zirlai hruaitute hian zawldawh takin an haw tir a, he thil hi zirlaite, thalai hna zawng mekte leh zirlai pawl zah lohna a nih avangin zirlai pawl hruaitute chuan na kan tiin thinrimthlak kan ti hle a, thleng nawn tawh lo turin kan duh a, a thleng nawn leh a nih chuan a tul anga hmalak tum a ni." tiin an thuchhuahah tarlan a ni.
 
 
Vawiin  tlai dar 3 khan thukhawm lehin tha thlah lova hmalak zel tumin Zirlai pawl duh dan anga he hna lak hi cancel a nih hma chuan lungawi lohna hi lantir chhunzawm zel tum a ni a, kawng zawh leh total bandh thlenga hmalak tum a ni.
 

Latest News & Chhiar Hlawh